Shillong, Lber 19
Ïa ka lympung ïalehkai Super Cup 2025 yn pynlong ha Bhubaneswar, Odisha naduh 21 tarik u Ïaïong mynta u snem, la pynbna ka All India Football Federation.
Ha kane ka lympung ki don 16 tylli klob ïalehkai ban ïashim bynta ha ka dur jong ka knockout. Ki 13 tylli ki klob jong ka Indian Super League lem bad 3 tylli klob jong ka I-League kin ïashim bynta ha kane ka lympung ïalehkai kaba san.
Ki kynhun ki ban rah ïa ka nam lahduh ha ka Super Cup 2025 kin ïoh ïa ka lad ban ïashim bynta ha ka playoffs jong ka AFC Champions League 2 (ACL2) 2025-26. Kane ka long ka lad na ka bynta ki klob jong ka ri ba kin paw ha kiwei pat ki lympung kin ban long ha ka dewbah Asia.
