Shillong, Lber 23
Ka Lamare FC ka la pynliem noh ïa ka Ri Bhoi United FC da 1-0 kol ha ka semi final (1st leg) jong ka Maitshaphrang Cup 2025 ba la pynïaid da ka Khasi Students’ Union (KSU) Umsning Circle ha ka sngi Saitjaiñ.
Kane ka nam jop ka la wan urlong lyngba u Kevin Rymbai uba la ïoh thep kol ha ka minit kaba 16.
Kumba ka paw kane ka jingïalehkai kaba la long ha madan Patarim, ka la long kaba itynnad bad ïakhaid bha ha kaba baroh ar kynhun ki la pyrshang ban ïakhun tyngeh naduh kaba sdang. Hynrei ka Lamare ka la lah ban pynurlong lyngba utei u rangïalehkai ka Mawlai na ka bynta ban ïoh shisyndon ïa ka jingjop.
Te kumta kine ki kynhun kin pynkhreh biang ïa ka jingïakhun wat ba ar (2nd leg) ka ban long ha ka 26 tarik mynta u bnai ha kajuh ka jaka. Katba ka Sumer FC bad ka Benris FC kin hap ban rai ïa ka jingjop ha ka 28 tarik khnang ban pynthikna ban ïoh rung sha ka final.
