Seoul, Lber:
U nongialam ka North Korea, Kim Jong Un, ha ka Sngi Palei u la leit poi sha ka jaka pynher ‘namding jong katei ka ri ban ioh pyrshang pynher sa uwei pat u ‘namding khlaiñ bor ba kane ka ri ka la shna ha kane ka sien.
U Kim u la ai khublei ia ka kynhun pynmih ‘namding jong ka ri bad ong ruh ba une u ‘namding ba la wanrah thymmai ha kane ka sien, u don ia ka bor kaba khlaiñ bha bad uba ka North Korea ka lah ban shaniah ha u na ka bynta ka jingshngaiñ bad ka bor jongka hadien- habud. Kane ka jingpynher ‘namding ka long ban peit thuh ia ka jinglah bad ka rukom treikam utei u ‘namding ba thymmai ba ka North Korea ka la lah ban wanrah ha kane ka kynti.
