Shillong, Lber 25
Ka stadium ka ban don haduh 63 tylli ki jaka shong yn tei ha Brisbane kaba long shi bynta jong ka jingpynkhreh ïa ka Olympic bad Paralympic ha u snem 2032, la pynbna ka sorkar Queensland.
Kane ka stadium (multi-sports), ka ban sa tei ha ka jaka jong ka Victoria Park ha Brisbane, kan ïoh ban pynlong ïa ka jingplie bad jingpynkut jong katei ka lympung bad ruh ïa ka jingïalehkai athletics.
Ki jingthmu ban tei ïa katei ka stadium ka long ban pynlong ïa ka jingïalehkai kriket ha la ïing jong ka Brisbane, ha kaba ïa ka madan ïalehkai ba paw jong ka Gabba yn sa pynpra noh hadien ka jingïalehkai.
Ïa katei ka rai la pynbna da u David Crisafulli, Myntri Rangbahduh ka Queensland hadien bun tylli ki jingkular shwa ka ilekshon jong u snem 2024 ba yn tei ïa ka stadium kaba thymmai.
