Bengaluru, Lber:
Hadien ba u Myntri ka tnat PWD u Satish Jarkiholi u la ïakynduh ïa ki nongïalam ka Congress ha New Delhi, u Myntri Rangbah ka jylla u Siddaramaiah u lah ban leit jngoh ïa ka nongbah jong ka ri ha ka 2 tarik, Ïaïong.
Ka jingthmu ba kongsan jong ka jingleit jngoh jong u Siddaramaiah, katkum ki tyllong khubor ba la ïoh jingtip, ka long ban ïoh ïa ka jingmynjur jong ki heh bor ban jied ïa ki dkhot sha ki saw tylli ki kam MLC kiba lait. Hynrei la khmih lynti ba u Myntri Rangbah un ïakren ruh halor kiwei pat ki jingjia ha ka saiñ hima sima ha Karnataka, kynthup ïa ka jingkynnoh ba ka la thmu ban pynngop ha ki kam beaiñ ïa u Myntri ba ai jingkyrshan u KN Rajanna.
Hapoh ka bhah jong u Myntri Rangbah, la khmih lynti ba u dkhot barim ka Lok Sabha u VS Ugrappa bad hapoh ka bhah jong u Symbud Myntri Rangbah DK Shivakumar, la khmih lynti ba u BL Shankar, un shah pynkynriah.
U President jong ka AICC, u Mallikarjun Kharge, un rai ïa kawei na ki ar tylli ki shuki kiba dang sah bad ïa kawei pat da kiwei pat ki nongïalam ka High Command, kynthup ïa u General Secretary (ka kynhun) jong ka AICC, u K C Venugopal, ong uwei u dkhot uba don hapoh ka seng.
Kan dei ka jingleit kaba nyngkong eh jong u Siddaramaiah sha Delhi hadien ka jingsangeh kaba ar bnai namar ba u dang koit na ka jingmynsaw ha ka khohsiew.
“Da ki nongkyrshan jong u, kynthup ïa u Satish Jarkiholi bad ka Rajanna, kiba la dep ban phah khubor sha ki nongïalam jong ka seng kmie halor ka mat ba ïadei bad ka jingpynngop, u Myntri Rangbah um lah ban batai bniah halor kane. Ha ka jaka kata, un sa ïakren ïa ka rukom synshar jong u namar ba u dang pyndep ar snem kum u Myntri Rangbah ha ka 20 tarik u Jymmang,” ong uwei u heh nongïalam jong ka seng Congress.
U Siddaramaiah u la dep ban ïakren halor katei ka jingjia halor ka jingpynngop bad u Kharge bad u la pynshai ba um don bynta eiei ha kaba u Rajanna u la wanrah ïa katei ka mat. Hynrei ki heh shipai ki la sngew ba ki la shah pynrem namar ba u Rajanna u la pynpaw ïa katei ka mat ha ka ïingdorbar ha ka jaka ban ïakren ïa ka hapoh ki saw tylli ki kynroh jong ka seng, la ong u heh nongïalam.
U Siddaramaiah u lah ruh ban pyrshang ban ïoh ïa ka jingmynjur jong ka High Command ban pynkylla ïa ka kynhun Myntri, khamtam namar ba u la pynthikna ïa u Myntri barim u B Nagendra ba un ïoh biang ïa ka kam Myntri. U Nagendra u la iehnoh ïa ka kam Myntri halor ka jingkynnoh ba don ka jingleh thok ha ka ST Corporation.
U DYCM u DK Shivakumar uba dei ruh u President ka KPCC u la leit sha New Delhi ban ïashim bynta ha ka jingïalang jong ka AICC kaba 3 sngi jong ki District Congress Committee hynnin ka sngi. La khmih lynti ruh ba u Shivakumar un sa khot ïa ki nongïalam bahakhlieh duh ka Congress.
