Hyderabad, Lber:
Ka sorkar jylla ka la pyllait 34 klur tyngka na ka bynta ban shim jaka ban pynheh ïa ka Ramalayam ha Bhadrachalam.
Ha ki katto katne snem, ka jingthmu ban thied kumba 45 tylli ki ïing kiba ker sawdong ïa ka jaka mane blei ka la sahkut namar ka jingbym don pisa. Kine ki ïing ki la khanglad ïa ka jingpynheh ïa ka surok bah bad ïa ka jaka mane blei. Ki heh jong ka Temple ki la aiti ïa ki jingtyrwa ban ïoh pisa ha ka por jong ka jingsynshar kaba mynshuwa, hynrei ym shym la pyllait pisa.
Hadien ba ka sorkar Congress ka la wan ha ka bor, u Myntri ba dei khmih ïa ki kam rep u Thummala Nageswara Rao u la wanrah ïa kane ka mat ha ka jingtip jong u Myntri Rangbah ka jylla u A Revanth Reddy, uba la mang T.34 klur.
U K Damodar Rao ophisar ka Bhadrachalam Revenue Divisional u la ai T.10 klur na ka bynta ki 21 tylli ki ïing ha ka sngi Thohdieng bad sa T.24 klur na ka bynta ki 19 tylli ki ïing ha ka sngi Saitjaiñ. Namar ka jingduna ka jaka, ka jaka mane blei ka la kylla long ka jaka paidbah, bad ka surok kaba rit ka la buh jingeh ïa ki nongmane bad ki nongpynïaid jong ka jaka mane blei ban pynïaid beit ïaid ryntih ïa ki prokram.
Ki heh Engineer bad u nongshna ïing u Anand Sai ki la tyrwa kham mynshwa ban ïoh ïa kine ki ïing ban pynheh ïa ka jaka mane blei bad ka surok Mada. Ha ka por jong ka sorkar BRS kaba la dep, la pyllait shi bynta ïa ka pisa, kaba la ailad ban thied ïa ki katto katne ki ïing. Hynrei dang donkam ban ïoh sa 45 tylli ki iïng, hynrei ym shym la mang pisa.
