Washington, Jylliew:
U President ka US, u Donald Trump, ha ka Sngi Balang, u la kylla ktien bad ong ba ka long ka bym hok bad ka jingleh shiliang lada kiwei ki ri ki buh ïa ki tiar ‘nuclear’ bad ki ‘ballistic missile’ hynrei lada ka Iran pat kam ioh ban buh ïa ki.
“Kaei kaba nga mut ban ong, ka long, ba baroh kiwei ki ri ki don ïa ki, hynrei ka Iran pat kam don”, Namarkata, u Trump u la ong ba ka long kaba bakla bad ka lah ruh ban long ka jingleh shiliang lada khang ïa ka Iran ba kan ym buh tdot tang uwei ne ar ruh ïa kum utei u jait tiar ïada ri.
Namar u la ong ba lada ka Saudi Arabia bad ka Qatar, ki lah ban buh katto – katne ki naming ba khlaiñ bor, kumta, ïa ka Iran ruh dei ban ailad ba kan buh kum katto- katne.
Shuh shuh ruh u Trump u la ong ba ka United States kan pynneh ïa ki shipai jongka ha ka thaiñ Gulf sa kumba katto- katne por hadien ba ka US ka la wanrah ïa katei ka jingiateh soskular bad ka Iran bad hadien ba ka thma bad ka jingiakynad hapdeng ka Israel, US bad ka Iran, ka la neh kumba 4 bnai mynta.
