Brazil, Jylliew:
U President ka Brazil, u Luiz Inacio Lula da Silva, ha kane ka kynti u la ong ba ka jingkyrshan jong u President ka America- u Donald Trump ha ki kam saiñ pyrthei jong u, ka long kaba biang. Hynrei, u la ong pat ba u Trump um dei ban tuklar ïa ki kam saiñ pyrthei jong ka Brazil haba iadei bad ka ilekshon.
Namar u la ong ba, watla u Trump u dei uba la ioh nam bha ha ka liang ka saiñ hima- sima bad khamtam ha ki laiñ ialap ilekshon bad ki rukom ïakhun ilekshon jong u. Hynrei, u la ong ba ka ilekshon hapoh Brazil, ka long ka kam shimet jongka bad ym don ba lah ban tuklar haba iadei bad kane ka bynta.
U Lula bad u Trump, ki la don ka jingiadei kaba kiew bad hiar, kaba la nang sniew biang dang shen, namar ki jingbyrngem khajna, kiba thymmai. Kitei ki arngut kim shym la pynlong ïa ka jingialang kaba pura ha ka G7.
U Trump, u dei u paralok ba iajan bha jong U Jair Bolsonaro, president barim jong ka liang ka diang, ha kaba u khun jong u, U Flavio, u iakhun pyrshah ïa u Lula, ha ka jingthep vote jong u bnai Lber.
Uwei pat u khun jong u Bolsonaro, U Eduardo, u la shah rai pynrem khlem da don satia ha ka sngi Balang, haduh palat saw snem ha phatok, namar ka jingïakhih ha US, na ka bynta ban pynjari ïa ki kyndon pyrshah ïa ka ri jongu.
U Trump u la ong ha ki nongthoh khubor hadien ka G7 ba ka Brazil ka la kylla long kaba “ma khyndiat ha ka sain pyrthei”, haba kdew sha katei ka rai.
“Ki biang bha ka rukom iakhun”, la ong u Trump shaphang ka Brazil. “Hynrei ym don mano mano ba ialehkai kham tyngeh ban ïa ka ri America.”
U Lula u la ong ba u Trump u lah ban “ïoh jinghikai na ki elekshon ba stad jong ka Brazil.”
“Katkum ka jingsngew jong nga, u lah ban iai sngewtynnad ïa u Bolsonaro — u kpa, u khun, u khun ksiew — kata kam dei ka mat. Hadien baroh, kam don ka jingkhein ïa ka jingsngewtynnat. Hynrei, um dei ban tuklar ïa ki elekshon jong ka Brazil,” la ong u Lula.
