Beijing, Iaiong:
Ka tnat pahara duriaw jong ka China ka la pyntip ba ki shipai duriaw khappud ki la pynlong ïa ki jingpahara jong ki bor pynjari aiñ ha kylleng ka Taiwan ha ka Sngi Ba-ar, ha kajuh ka sngi ba ka China ka la pynbna ïa ki jingpynkilan bad ka jingai jingpyntbit ia ki shipai jongka ha kylleng jong katei ka ri dew-lynnong Taiwan.
Kumta, ha katei ka sngi la ong ba ki kynhun jhad pahara rud duriaw ki la pynlong ïa ki jingpahara jong ki bor pynjari aiñ ha ka duriaw kaba ker sawdong ka dew lynnong Taiwan bad ki la pynlong ïa ki jinghikai kum ka jingjurip bad jingleit syntiat ruh ia ka jinglong-jingman hapoh katei ka ri kaba rit.
Ka China la slem bah ka la kam trai ba ka Taiwan ka dei hi ka bynta ba shu phiah na ka, ha ki por barim bad kan sa pyniasoh biang ruh ia ka Taiwan bad ka.
