Bengaluru, ïaïong:
Ka jingïaknieh bor bad ka jingïaknieh bor ha ka Congress kaba synshar ha Karnataka ka la jem noh na ka bynta shipor namar ba ki heh jong ka seng ki la ong ïa u Symbud Myntri Rangbah ka jylla u D.K.Shivakumar un ïai bteng kum u heh nongïalam jong ka seng ha ka jylla, la ong ka tyllong khubor ba la wan na ka Cngress ha ka Sngi U Blei.
U Shivakumar ryngkat bad u Myntri rangbah ka jylla u Siddaramaiah ki don ha ka jingleit jngoh kaba ar sngi sha New Delhi ha ka sngi Palei bad ka sngi Thohdieng ba la dep ha kaba ki la don ka jingïakynduh bad u Rahul Gandhi u nongïalam jong ka Congress.
Kane ka jingïalang ka shim ïa ka jingmut namar ba ka jingïalap ka la sdang ban bujli ïa u Shivakumar kum u President ka jylla jong ka seng.
Katto katne ngut ki MLA bad ki Myntri kiba la ngeit ba ki dei na ka kynhun u Siddaramaiah ki kwah ba u Shivakumar un sangeh noh ïa ka kam kum u heh jong ka seng Congress ha ka jylla.
Ki la dawa ban bud pyrkhing iï ka polisi jong ka seng kaba ong ‘uwei u briew, kawei ka kam’. Namar ba u Shivakumar u dei u Myntri Rangbah ka jylla bad u President ka Congress, ki nongïaleh pyrshah jong u ha ka seng ki la dawa ban weng noh ïa u.
Ka jingkynthoh ka long ruh ba u briew uba bat ïa ka kyrdan Myntri um lah ban leh hok ïa ka kam President ka jylla namar ba um lah ban ai por ïa ki nongtrei jong ka seng kiba kloi ban ïakynduh ïa u.
Ki bor synshar jong ka seng kim sngewtynnad ban bujli ïa u Shivakumar haba pyrkhat ïa ka jingnoh synñiang kaba khraw jong u sha ka seng khamtam ha kaba u la jop ïa ka ilekshon sha ka ïingdorbar thawaiñ, ka jingleh bha jong ka seng ha ka por ilekshon sha ka ïingdorbar thawaiñ bad ha kaba u la jop ïa baroh lai tylli ki ilekshon sha ka ïingdorbar thawaiñ, la ïathuh ki tyllong khubor.
“Ki heh bor jong ka seng kim shym la nud ban bujli ïa u Shivakumar la kumno kumno haduh u bnai Naiwieng bad Nohprah mynta u snem,” la ong uwei u heh nongseng jong ka seng ha ka jingïakren bad ki nongthoh khubor.
Ki don ki khubor shaphang ka jingïateh barieh ba u Siddaramaiah un synshar ïa ka bynta ba nyngkong jong ka jingsynshar san snem jong ka seng Congress ha Karnataka, ia uba yn bujli da u Shivakumar. Bad u Siddaramaiah, ne u Shivakumar kim shym la pynthikna ïa kane hynrei ki Myntri nongkyrshan jong ki bad ki MLA ha ka seng ki la sdang ban ïasaid ban ïoh ïa ki nongïalam jong ki.
Ki la don ruh ki jingïakren halor ka jingpynkylla ïa ka kynhun Myntri, ka ilekshon MLC bad ka jingpyrshang ban teh mraw ïa ki Myntri bad ki MLA, la ïathuh ki tyllong khubor.
Katkum ka jingong jong ki, ka jingpynkylla ïa ka kynhun Myntri kam don ha ka kot kumba ka long mynta.
Uwei pat u nongkitkam jong ka seng u la ong ba ka Congress High Command ka la iehnoh ïa ka jingjied ïa ki kyrtong na ka bynta ka ilekshon MLC ha u Siddaramaiah bad u Shivakumar.
Ha kaba ïadei bad ka mat jong ka jingshah pynngop ki nongïalam ka seng ha ki kam beaiñ, ki tyllong khubor bahakhliehduh jong ka Congress ki la ong ba u Rahul Gandhi u sngewsih ïa ka rukom ba la rah ïa kane.
“U Gandhi u la don ka jingmut ba ym shym la dei ban ïakren hapoh ka ïingdorbar, khamtam da u Myntri ka tnat treilang u K N Rajanna,” ong ka tyllong khubor.
U la kynnoh wat ba ym duna ïa ka 48 ngut ki MLA ki la shah pynngop ha ki kam beaiñ.
U Myntri u la ïoh jingkyrshan na u Public Works Minister ka jylla u Satish Jarkiholi uba la pynpaw ruh ba la pyrshang ban bat ïa ki katto katne ki Myntri bad ki MLA.
