Shillong, Ïaïong 10
Ka lympung ïalehkai 3rd All Meghalaya Traditio-nal Wrestling and Pan-kration Championship ba la pynïaid da ka All Meghalaya Traditional Wrestling and Pankration Association kan sdang mynta ka sngi Thohdieng ha Meghalaya School of Martial Arts (MSMA) Laitkor Kynton-U-Mon Lad-Nongkrem.
Ka jingpynlong ïa kane ka lympung ïalehkai kaba ar sngi ka long ban jied ïa kumba 40 ngut ki nongïalehkai kynsai ban mihkhmat ïa ka Jylla sha ka 12th All India Tradi-tional Wrestling and Pan-kration Championship 2025 ka ban long ha Jaipur, Rajasthan naduh 1 tarik haduh 4 tarik u Jymmang. Ïa kane ka lympung yn pynlong da ka Amateur Mix Martial Arts (AMMA) kaba la ithuh da ka UWW bad ka IOC.
Kat kum ka kyrwoh, la ong ba ka kynhun ïalehkai ka Jylla kan mih na ka nongbah ha ka 27 tarik mynta u bnai ban ïalam da ka President ka AMTW&PA ka Kong Anita Songthiang.
