Shillong, Ïaïong 10
Ka jingïalehkai semi final jong ka Meghalaya pyrshah ïa ka Manipur ha ka 2nd NECDC Senior Women Tournament 2025 ha Rangpo, Sikkim, ka la shah pynthut noh ha u slap ha ka sngi Palei tang hadien ba la ïoh ban kawang ar tylli ki bol.
Te kumta ïa kane ka jingïalehkai la pynkynriah noh sha ka sngi Thohdieng. Ka Meghalaya ka la rung sha ka semi da kaba long ka kynhun kaba la bat ïa ka kyrdan ba ha khlieh duh ha ka Group-A, katba ka Manipur ka la wan ba-ar ha ka Group-B.
Ka semi-final kaba ar ka la lah ban ïaid beit shakhmat kumba la thmu, ha kaba ka Sikkim ka la lah ban pynliem ïa ka Nagaland da 1 wiket. Kine ar tylli ki kynhun ki la long ki nongjop lang ha ka sien kaba nyngkong jong kane ka lympung ha u snem ba la dep namar ba u slap u la pynthut noh ïa ka jingïalehkai phainal, hynrei mynta ka sngi ka Sikkim ka la khanglad ïa ka Nagaland ban ïoh tang 70 run ha ki 17.4 over shwa ban kynjoh sha ki 20 over.
