Lucknow, ïaïong:
U Myntri Rangbahduh ka ri Narendra Modi, ha ka sngi Thohdieng, u la plie bad buh mawnongrim na ka bynta 44 tylli ki projek kiba la kot sha ka T.3,880 klur ha Varanasi.
Napdeng ki projek kiba la plie paidbah ki long ki skhim kiba pynleit jingmut ha ka roi ka par ha ki nongkyndong, kynthup 130 tylli ki projek um bam um dih, 100 tylli ki Anganwadi Centre bathymmai, 356 tylli ki Library, kawei ka Polytechnic College ha Pindra, bad kawei ka Degree College sorkar, ong u Varanasi Divisional Commissioner Kaushal Raj Sharma.
U Myntri Rangbahduh u la plie ruh ïa ka Transit Hostel ha ki laiñ jong ki pulit bad ki len (Barrack) jong ki pulit ha Ramnagar bad saw tylli ki surok nongkyndong, u la ong. U Lat ka jylla u Anandiben Patel bad u Myntri Rangbah ka jylla u Yogi Adityanath ki long napdeng kiba la don lang ha kane ka sngi.
