Shillong, Ïaïong 13
Ka Holly Cross Secondary School bad ka Sunrise SS ki la long kum nongjop ha ka Inter School Under-15 Cricket Tournament 2025 ba la pynïaid da ka Shillong Cricket Association.
Ha kane ka jingïakhun kaba la long ha ka sngi Saitjaiñ ha madan Polo, ka Holly Cross ka la pynliem noh ïa ka Shillong Secondary School da 9 run. Ka Holly Cross kaba la shimti shwa ban tied nyngkong ka la ïoh 98 run bad shah pynhap 10 wiket ha ki 14.3 over. U Sujoy Das u la tied 17 run na ki 22 bol bad u Harsh ula ïoh 15 run na ki 13 bol. Katba u Gautam Paul u la shim 3 wiket bad 2 wiket pat da u Arup Paul.
Haba wan beh ïa ka thong, ka Shillong Sec School ka la ïoh tang 89 run bad shah pynhap 4 wiket ha ki 15 over. U Gautam Paul u la tied 48 run na ki 41 bol bad u Riyan kr Hajong u la ïoh 10 run na ki 17 bol. Katba u Harsh uba la shim 2 wiket u la ïohpdiang ruh ïa ka nam Player of the Match.
Haba phai sha kawei pat ka jingïakhun, ka Sunrise ka la jop lyngba ka DLS method kata da 15 run ïa ka St. Xavier’s na ka daw ka jingshah pynthut ha u slap.
