Shillong, Ïaïong 13
Ka lympung ïalehkai (L) Benjamin Diengdoh Me-morial U-16 Boys Inter School Cum Cluster Cric-ket Tournament 2025 ba pynïaid da ka East Khasi Hills Cricket Association ka la nangjam shaphrang ha kaba ka Sohra Cluster (A) bad ka Pongtung Cluster ki la long nongjop ha ka sngi Sairtjaiñ.
Ha katei ka jingïakhun kaba la long ha madan Pynshadkhurai kaba ha Saitsohpen, Sohra, ka Sohra Cluster (A) ka la pynliem noh ïa ka Mawsynram Cluster da 7 wiket. Ka Sohra Cluster (A) kaba la jop ïa ka kynting pisa, ka la ailad ïa ka Mawsynram Cluster ban tied nyngkong ha kaba ka la ïoh 54 run bad shah pynhap 6 wiket ha ki 12 over. U Pynkhraw Jomati u la tied 38 run na ki 24 bol. Katba u Gordion Nongkhlaw u la shim 1 wiket ha ki 2 over.
Haba wan shimti ïa ka pali ba ar, ka Sohra Cluster ka la lah ban kynjoh sha ka thong da kaba ïoh 55 run bad shah pynhap 3 wiket ha ki 6.3 over. U Nickyland Sangma u la tied 25 run na ki 12 bol. Katba u Lamshwa Marbaniang u la shim 2 wiket ha ki 3 over. Ïa ka nam ‘Player of the Match’ la ïohpdiang da u Nickyland Sangma.
Ha kawei pat ka jingïakhun ba ar, ka Pongtung Cluster ka la jop da 8 wiket ïa ka Sohra Cluster (B). Ka Sohra Cluster (B) kaba la shimti ban tied nyngkong ka la ïoh 39 run bad shah pynhap 5 wiket ha ki 12 over. U Arky Ïangjuh u la tied 13 run na ki 19 bol. Katba u Nobikarson Mawïong u la shim 1 wiket ha ki 3 over.
Haba wan beh ïa ka thong, ka Pongtung Clus-ter ka la ïoh tang 40 run bad shah pynhap 2 wiket ha ki 5.4 over. U Mewanshailang Khong-mawloh u la tied 17 run na ki 18 bol. Katba u Bradley Sohtun u la shim 1 wiket ha ki 2 over. Ïa ka nam Player of the Match la khur da u Mewanshailang Khongmawloh.
