Shillong, Ïaïong 14
Ka Sohra Cluster (A) bad ka Mawsynram Cluster ki la long nongjop ha ka (L) Benjamin Diengdoh Memorial U-16 Boys Inter School Cum Cluster Cricket Tournament 2025 ha ka Sngi U Blei.
Ha kane ka jingïakhun kaba la long ha madan Saitsohpen, ka Sohra ka la lah ban pynpaw ïa ka jingtbit ha la ïing na ka bynta ban pynliem ïa ka Pongkung Cluster da 79 run. Ka Pongtung hadien ba la jop kynting pisa ka la ailad shwa ïa ka Sohra ban tied nyngkong ha kaba ka la ïoh 129 run bad shah pynhap 6 wiket ha ki 20 over.
Haba phai sha kawei pat ka jingïalehkai ba ar, ka Mawsynram ka la jop da 14 run ïa ka Sohra Cluster (B). Ka Mawsynram kaba la shimti ban tied nyngkong, ka la ïoh 83 run bad shah pynhap 3 wiket ha ki 12 over. U Pynkhraw Jomati u la tied 24 run na ki 26 bol. Katba u Spaiñlang Khar-lukhi u la shim 1 wiket ha ki 2 over.
Haba wan beh ïa ka thong, ka Sohra ka la ïoh tang 69 run bad shah pynhap 6 wiket ha ki 12 over. U Guiding Sohkhlet u la tied 20 run na ki 16 bol. Katba u Pynkhraw Jomati u la shim 3 wiket ha ki 3 over.
