Shillong, Ïaïong 14
Ka Meghalaya Cricket Association (MCA) ha ka Lah Sngi U Blei ka la pynbna ïa ki 17 ngut khynnah ïalehkai Under-17 ban mihkhmat ïa ka Jylla ha ka 1st North East Little Master’s Trophy 2025 kaba hap hapoh ka jingpynïaid jong ka Assam Cricket Association ka ban long ha Guwahati.
Ki la don 21 ngut ki nongïalehkai kiba la don hapoh ka thup na ka bynta ka kynhun ïalehkai ka Jylla kiba la kilanmet ha madan Nongkhrah, Ri-Bhoi, naduh mynshem taïew. Kane ka jingkilanmet kan ïai bteng tat haduh ba kan da mih ban leit sha Guwahati ha ka 19 tarik mynta u bnai.
Ki kyrteng jong khynnah ïalehkai ki long u Sahil R Marak, Steve Rayan R Marak, Anurup Paul, Janggo K Marak, Donsrang Chubat Sangma, Calvin P Syngkli, Subot Kapri, Melvin Basil Warjri, Aditya Singh, Abhinav Khanal, Ashwin Shah, Jagrit Thakur, Aryan Sunar, Ayush Sangma, Abdulla Pathaw, Ïaisanbha Khongji bad u Mebanlambha Lyngshiang. Katba kiwei pat kiba la pynap lypa ki long u Rimsrukang Ch Momin, Teibankhraw Mukhim, Bansan Shaphrang Kynter bad u Tuesdream Rabha.
Ki coach ki long u Synrapsing Riahtam (head coach), Eugene K Kharsyntiew (assistant coach), Hamboy Langbang (physio), Skhembor Khongbtep (trainer) bad u Prewindson Sangma (manager).
