Mumbai, Iaiong:
Hadien 15 snem ka Myntri kam bar ri jong ka Pakistan ka la leit sha ka nongbah Dhaka jong ka ri Bangladesh ban pyniaid ia ka jingialang jong ki arliang mamla. Hapdeng ka jingïadei kaba la sdang synjor hapdeng ka India bad ka Bangladesh, ka Pakistan ka la shah kynnoh ba ka pynkhih ïa ka agenda jong ka ban pynshlur ïa ki lehnoh pyrshah India ha Bangladesh, khamtam hadien ba ka sorkar jong ka Sheikh Hasina ka la khyllem noh ha u snem ba la dep.
Katba u Nongai jingmut Rangbah jong ka Sorkar Shipor jong ka Ri Bangladesh u Muhammad Yunus u la pynleit jingmut bha ha ka China ha ka jingduhnong jong ka India, ka Pakistan ruh ka i kumba ka dang wad lad ban ioh rung biang bad ban don ka bynta kaba kham heh ha Bangladesh.
Kumta la ong ba ka Amna Baloch, ka heh sorkar jong ka Pakistan, kan pynlong ïa ki jingïakynduh ba bun jait bad u Myntri ka Bangladesh, u Md Jashim Uddin, kum shi bynta jong ka Foreign Office Consultation (FOC) hapdeng kine ki ar tylli ki ri.
