Shillong, Ïaïong 22
Ka Umsyiem Youth Cricket Crusader ka la pynbna ba kan pynlong ïa ka lympung ïalehkai kriket ba la tip kum ka T20 Cricket Summer Cup 2025 ha shnong Umsyiem.
Ka jingthmu jong kane ka lympung ka long ban pynmih pisa ïa ka Raidmuketilla Secondary School Umsyiem kaba dang shu kyntiew kyrdan shen na ka Upper Primary sha ka Secondary.
Katei ka synjuk ka la pynkhreh ïa ki khusnam na ka bynta ka kynhun ka ban long ka lahduh da ka song pisa kaba T.50 hajar bad kaba wan ba-ar kan ïoh T. 30 hajar ryngkat ki trophy. Kin don ruh ki khusnam shimet kiba kynthup ïa ka Player of the Match (naduh ka semi final), Player of the Tournament bad Promising Player of the Tournament.
