Thiruvananthapuram:
U Pinarayi Vijayan, Myntri Rangbah ka Jylla, u la bthah ïa ka NORKA Roots, ba kan thaw noh mardor ïa ki lad jingïarap, na ka bynta ban ïarap ïa ki nong Kerala ha Jammu & Kashmir, hadien ka jingthombor jong ki lehnoh ha Pahalgam.
U la pynthikna ba saw ngut ki MLA ka jylla bad lai ngut ki nongbishar jong ka High Court kiba don mynta ha Srinagar, ki la lait im.
Ka khubor jong ka jingïap jong u trai shnong ka Ernakulam ka long kaba sngewsih haduh katta katta, la ong u Myntri Rangbah ka jylla.
U la kular ba ka sorkar kan shim ïa ka jingkitkhlieh kaba pura ban pynpoi biang ïa ka longïing jong uba shah pynïap sha ka jylla da kaba suk.
U Myntri Rangbah ka jylla u la bthah ruh ïa ka NORKA Roots ba kan pynthikna ba baroh ki jingïarap ba donkam kin long kiba biang sha ki Malaya kiba don mynta ha Jammu & Kashmir na ka bynta ki kam jngohkai pyrthei.
La plie ïa ka jaka ai jingïarap jong ka NORKA.
Ïa kane ka Help Desk lah ban ïakynduh lyngba u Norka Global Contact Centre toll free number 18004253939 bad da kaba ai Missed Call sha u number 00918802012345.
U Myntri Rangbah u la bthah ruh ïa ka Kerala House ban buh ïa ki jingdonkam bad ki jingpynbeit ha Delhi.
