Washington, Risaw:
Katkum ki khubor, la ong ba ka dor jong ka umphniang ka la hiar ha ka khaïi- pateng kaba sdang ha ka Sngi Palei hadien ba ka Israel bad ka Hamas ki la mynjur ïa ka bynta ba nyngkong jong ka jingthmu ban pynkut noh ïa ka thma ha Gaza, kaba la pynkhia ïa ka dor jong ka umphniang ha ka thma bad kaba la pynbor ïa ki nongbei tyngka ban die noh.
Ka dor jong ka umphniang Brent, ka la hiar da 51 cent, lane 0.77%, ha ka por 0002 GMT, kaba long $65.74 shi barrel. Ka umphniang jong ka U.S.
U President ka U.S. Donald Trump u la ong ba ka Israel bad ka Hamas ki la poi sha ka jingiateh kaba ki la wad slem bha na ka bynta ban sangeh iasiat ha Gaza bad ban pyllait ia ki nongshah rahbor hapoh ka jingthmu ban pynkut noh ia ka thma kaba la neh ar snem ha ka Palestine enclave.
U Myntri Rangbah duh jong ka Israel, u Benjamin Netanyahu, u la ong ba un lum ïa ka sorkar ha ka sngi Thohdieng ban mynjur ïa kane ka jingïateh kular ban sangeh ïasiat.
Ka thma ha Gaza ka la kyrshan ïa ka dor jong ka umphniang namar ki nongbei tyngka ki la shim khia ïa ka jingma kaba lah ban mih na ka jingpynpoi umphniang ha ka pyrthei lada ka thma kan nang kiew sha ka jingïakynad kaba kham heh ha ka thaiñ.
Ka dor ka la kiew kumba 1% ha ka Sngi Balang ban poi sha ka jingkiew kaba heh tam ha ka shi taiew hadien ba ki nongthep pisa ki la peit ïa ka jingsahkut jong ka jingïaid shaphrang halor ka jingïateh kular ïasuk bad ka Ukraine kum ka jingpynneh pynsah ïa ki jingpynjari pyrshah ïa ka Russia.
Ha kajuh ka por, ka jingkheiñ kyllum ïa ki mar umphniang ba la pynbiang man ka taiew jong ka U.S., kaba long ka proxy na ka bynta ka jingpyndonkam umphniang jong ka U.S., ka la kiew ha ka taiew ba la dep sha ka 21.990 million barel ha ka shisngi, kaba dei kaba kham duna tam ha u snem 2022, la pyni ka kaiphod na ka tnat pynïaid bor ding ha ka sngi Thohdieng.
