Jowai, Risaw 17
Ka Liang Pyrshah, Voice of the People Party (VPP) ha Jaiñtia Hills Autonomous District Council (JHADC) ka la kyntu ïa u Chief Executive Member (CEM) ba un khot pynlong mardor ïa ka Dorbar kyrpang ban ïakren halor ka jingnang jur ka kam ïa-ka-jia pud ha Lapangap, West Jaiñtia Hills.
Ki dkhot ka VPP hapoh ka jingïalam u Bah Awhai Andrew Shullai ha ka 17 tarik Risaw ki la pynpaw ka jingsngewkhia kaba jur halor ka jingïakynad kaba la nangjur ha ka thaiñ khappud ka Meghalaya-Assam ha kaba ka jingmih jong ka huri-hura ha kane ka por ot kba ka la pynthut shibun ïa ka jingim jong ki nongrep bad ki nongshong shnong.
Ka VPP ka pynrem jur ruh ïa ka jingkynthoh ba dang shen jong u Chief Executive Member ka Karbi Anglong Autonomous Council (KAAC), uba la kyntait ïa ka jingkam jong ka Meghalaya halor ki jaka puta ba la pynshong nongrim katkum ka histori ha ka thaiñ Block-I, Block-II, da kaba ong ba kum kine ki jingkren ki nangpynkhuit shuh-shuh ïa ka jingsngew bad pynjur ka jingbym shngaiñ hapdeng ki nongshong shnong ha kine ki shnong khappud.
Ka VPP ka kyntu ruh ïa ka Council ba kan mynjur ïa ka rai ban pynskhem ba ki jaka kiba don hapdeng ka jingïakynad ki dei kiba hap hapoh ka jingpeit jingkhmih jong ka JHADC, da kaba ban jur ba ka jingleh eiei ba mardor ka long kaba donkam ban ïada ïa ki nongshong shnong bad ban pynneh ïa ka shongsuk shongshngaiñ hapoh ka thaiñ.
