Jerusalem, Risaw:
U kyrtong ka liang pyrshah, u Gadi Eisenkot, ha ka step jong ka Sngi Balang, u la ong ba ka Israel ka la jied ïa ka jingkylla, hadien ba u Myntri Rangbahduh ka Ri, u Benjamin Netanyahu bad ba un pyrshang ban thaw ïa ka sorkar kaba thymmai.
Ha ka jingkren sha ki nongkyrshan, u Eisenkot u la pynmih ruh ïa ka jingmaham ba la tap lypa ïa u Netanyahu uba la pynjur ïa ki jingmaham ha ki sngi ba khatduh jong ka jingïakhih ba un hiar thma ïa ka Iran, ka jingjia ba kyrkieh kaba lah ban pynslem ïa ki jingpyrshang ban thaw ïa ka kynhun synrop.
“Netanyahu, wat shim sting ïa ka shong-shngaiñ jong ka Israel na ka bynta ki jing-angnud shimet jong phi”, la ong u Eisenkot.
Ki jingiatynjuh bor ki pyni ba ka kynhun pyrshah ba la ialam da u Eisenkot ka don ka jingjop kaba rit eh halor ka kynhun ka liang ka diang jong u Netanyahu ha ka ilekshon kaba la long ha ka Sngi Ba-ar hynrei ym don kawei ruh ka liang kaba ioh ïa ka jingbun paid.
“Ki paidbah ki la kren pyrshah ïa ka jingbteng jong ka jingsynshar u Netanyahu”, la ong u Eisenkot.
“Ha ka elekshon kaba bun ki nongthep vote kumne, kan long kaba bakla ban leit sha kawei pat ka sien elekshon.”
