Madrid, Risaw:
Ka India ha ka Sngi Balang, ka la wad jingtip na ki nong India kiba leit – ba wan sha Spain lyngba ki rel, la ki paidbah ki ioh jingïarap eiei ne em na ki bor pyniaid ha Madrid.
Ha ka jingkren jongu hapoh ka rynsan X, ka Indian Embassy ha Spain, ka la pynmih ïa ki nombar jingiarap ba kyrkieh, hadien ba ka rel kaba stet bha, ka la tynrah ïa ka bynta ba shadien jong kawei pat ka rel, ha kaba la iap ym duna ïa ka 68ngut ki briew bad mynsaw da ki phew ngut, ha ka thain pdeng jong ka Spain.
“Ki nong India kiba leit ha ki rel kiba la shah ktah kiba donkti ha ka jingtyngkhuh rel hajan Urda, Toledo, ha ka 28 tarik u Risaw 2026, lane ki bahaïing hasem jong ki, la kyrpad ba kin ïakynduh ïa ka Embassy jong ka Ri India, Madrid, ban ïoh jingïarap,” la ong ka Indian mission.
U Myntri Rangbah-duh jong ka Spain, u Pedro Sánchez, u iathuh ba ki bor ai jingiarap kyrkieh, ki dang trei ha ki jaka ban iarap ïa kiba shah ktah bad ban pynthikna ïa ka jingshngain jong ki, ha kaba iatreilang bad baroh ki bor ba dei peit.
