Shillong, Naiwieng 06
Ka lympung ïalehkai Quincentennial Champion Cup Knockout Football Tournament ka la sdang ha ka sngi Ba-ar ha madan Dom Mawlum kaba ha Pyndengumïong, Mairang.
Kane ka lympung ka long shi bynta ban rakhe ïa ka jingdap 500 snem jong ka Hima Nongkhlaw, ba la tip kum ka Hima Khadsawphra, kaba long ka jaka ba la kha ïa u khlawait ka ri Khasi u Paiem Tirot Sing Syiem bad ka Phan Nonglait.
Ha kane ka sngi plie, la sakhi ïa ka jingïalehkai hapdeng ka Pyndengumiong SC pyrshah ïa ka Lawsiej SC. Ki la don phra tylli ki kynhun ki ban shim bynta ha kane ka lympung ki ban ïaknieh ïa ka nam lahduh.
La ïadon lang ha kane ka sngi plie da u Paiem P.M. Syiemlieh, u Myntri Bah Boldness Nongum bad ki nongïalam katei ka thaiñ.
