Jowai, Naiwieng 16
Ka India ka la lah ban pynpaw ïa ka jingtbit ha ka Tokyo Deaflympics 2025 ha kaba ka la ïoh ban khur saw tylli ki takma, kynthup ïa ka takma ksiar kaba long ka redkod ha ka pyrthei na u Dhanush Srikanth bad ki takma rnong na ka Mahit Sandhu bad ka Komal Waghmare.
Ha katei ka jingïakop u Dhanush u la lah ban ïalehkai bha na ka bynta ban pynlong ïa ka India ban khur ïa ka takma ksiar ha ka 10m air rifle jong ki shynrang da kaba kamai 252.2, kaba la buh ïa ka rekod ba thymmai ha ka Deaf Final World Record.
Kumjuh u Mohammed Murtaza Vania u la lah ban pynthikna ban khur takma ïa ka India da kaba khur ïa ka takma rupa da kaba kamai 250.1. U rangïalehkai ka Korea u Baek Seunghak u la kh ur ïa ka takma rnong bad 223.6.
Hadien kattto katne por ba la khur takma u Srikanth bad u Vania, ka India ka la ïoh ban khur takma biang sa na ki kynthei.
Ka Mahit Sandhu ka la khur ïa ka takma rupa, katba ka Komal Waghmare ka la khur ïa ka takma rong ha ka 10m air rifle jong ki kynthei, kaba pyndap ïa ka jingïoh takma jong ka India ha kane ka jingïakop.
Ka jingjop jong ki da 2-3 ka dei ka jingjop kaba ar jong ka India ha kane ka lympung.
Kane ka Tokyo Deaflympics ka la long ha Japan ha ka sien kaba nyngkong eh hadien shispah snem naduh ba la sdang ïa kane ka lympung ha kaba ki la don 3,081 ngut ki nongïalehkai na kylleng ki 20 tylli ri ka pyrthei.
Ha kane ka lympung ka India ka la ïashim bynta ha ki 11 tylli ki jingïalehkai kiba kynthup ïa ka athletics, badminton, golf, judo, karate, shooting, swimming, table tennis, taekwondo, wrestling bad ka tennis.
Kumba ka long mynta ka India ka la ïoh saw tylli ki takma, kynthup ïa ka takma ksiar kaba long la rekod ha ka pyrthei bad la khmih lynti ba kin dangdon ki takma kiba ka India kkan dangïoh.
