Nongstoin, K’Lyngkot 12
Ka Referee’s Committee jong ka Nongstoiñ District Sports Association (NDSA) kan pynlong ïa ka Referee’s Certification Exam 2026 ka ban neh san sngi lynter ha kaba kan sdang naduh ka 3 tarik haduh 7 tarik u Rymphang ha Nongstoiñ.
Ha ka kyrwoh khubor ba la pyllait lyngba u Secretary ka Referee’s Committee u Bah Peterbok Nongsiej, u la ong ba kiba kwah ban shim bynta ha katei ka clinic ki dei ban long kiba lah pyndep ïa ka Matric shaneng bad kiba danghap hapoh ka jingkhmih ka Nongstoiñ District Sports Association.
U la ong ruh ba kane ka eksamin kan dei na ka bynta ki ban kiew kyrdan bad na ka bynta ki ba thymmai, ha kaba yn pynlong ha madan NDSA ha Nongpyndeng bad ïa ki jingtip ba kham bniah lah ban phone ïa u Bah Marx John Nongsiej (7005491146) bad Bah Peterbok Nongsiej (8974303649).
