Nongstoiñ, Rymphang 03
Ka Tiehsaw CT ka la khur ïa ka jingjop ha ka Super Division District Cricket League 2025-26 ba la pynlong da ka West Khasi Hills District Cricket Association (WKHDCA), hadien ba ka la pynliem noh ïa ka Mawshynrut BCA da 6 wiket ha ka sngi Ba-ar ha madan Mawrusyiar, West Khasi Hills.
Haba phai sha kane ka jingïalehkai, ka Mawshyn -rut BCA ka la jop ïa ka kynting pisa ha kaba ka la jied ban tied nyngkong ha kaba ka la kamai 131 run bad shah pynhap wiket baroh ki nongtied ha ki 26.2 over.
Haba wan shimti ïa ka pali kaba ar ka Tiehsaw ka la lah ban kynjoh sha ka thong da kaba kamai 135 run bad shah pynhap 4 wiket ha ki 18.2 over. U Bankitboklang Wanñiang u la ïoh ban khyrwit ïa ka shiteng spah kaba 70 run na ki 54 bol bad ban khur ïa ka nam Player of the Match.
