Shillong, Rymphang 03
Ka Five Star FT ka la long ka lahduh ha ka Night Game Knockout Futsal Tournament (7-A-Side) ba la pynlong da ka Leonel Futsal Arena, Pyndengrei, West Khasi Hills District, hadien ba ka la lah ban pynliem noh ïa ka Titan FT lyngba ka tie-breaker da 1-0 kol ha ka lah sngi U Blei.
Ha kane ka jingïakhun baroh ar ki kynhun ki la pyrshang ban ïakhun tyngeh naduh kaba sdang, hynrei haduh kaba kut ki ïathep mar 3-3 kol.
Ïa ki khusnam la sam da u Bah Mawkordor Kharsyiemlieh, President ka Village Defense Primary Committee, Nongstoin Area, kum u kongsan.
