Shillong, Rymphang 03
Ka Shillong Lajong FC, Pay For Right F.A, Nong-thymmai Nongkynrih SC bad ka Umphyrnai SC ki la jam sha ka semi final ha ka U-12 Football League 2025-26 ba la pynïaid da ka Shillong Sports Association (SSA), hadien ba ki la khur jingjop ha ka sngi Ba-ar.
Ha ka jingïakhun quarter final kaba la long ha SSA Stadium, ka Shillong Lajong ka la pynliem noh ïa ka Pynthorbah SC da 1-0 kol bad ïa kane ka shi kol la thep da u B.Snaitang ha ka minit kaba 8.
Ka PFR FA ka la pynliem noh ïa ka Nongkolew lyngba ka tie-breaker da 5-3 kol hadien ba kine ki kynhun ki la ïakhaid mar 1-1 kol.
Ka Nongthymmai Nong -kynrih SC ka la pynjem khnap ïa ka Marbisu SC da 7-0 kol. U R.Khar-shandi u la thep marwei haduh saw kol ha ka minit kaba 1, 7, 13 & 29, katba ïa kiwei pat la thep da u D.Kharkongor (12), D. Lyngdoh (32) bad u B.Diengdoh (37).
Ha kawei pat ka jingïakhun, ka Umphyrnai SC ka la pynliem noh ïa ka Langsning FC lyngba ka tie-breaker da 3-1 kol hadien ba kine ki kynhun kim shym la lah ban thep kol haduh kaba kut ka jingïalehkai.
Haba phai sha ka kyrdan ïalehkai U-14 ka la jam sha ka quarter final ha kaba ki phra tylli ki kynhun kin pynkhreh ïa ki jingïakhun ha ka sngi Balang. Kine ki long ka Mawkhar SC, Shillong Lajong FC, Umphyrnai SC, Lumshyiap SC, Lang-sning FC, PFR FA, Nong -thymmai Nongkynrih SC bad ka Pynthorbah SC.
Ha ki jingïakhun kiba la long ha ka sngi Ba-ar, ka Summit Academy ka la pynliem noh ïa ka Mawtawar SC da 2-0 kol. Ïa kine la thep da u K.Tariang ha ka minit kaba 10 bad u R.Syiem (48).
Kumjuh ka Pynthor-bah SC ka la jop da 3-0 kol ïa ka New Challenger. Ka Langsning FC ka la jop da 2-1 kol ïa ka Nongthym -mai. Ïa kine la thep da u K L Lyngkhoi ha ka minit kaba 33 bad u D.L Nongbri (56). Katba ka Nongthym-mai ka la ïoh ei shi kol na ka daw ka jingïarap pynthep da uwei na ki rangïalehkai ka Langsning.
Ka Sohïong ka la jop da 2-1 ïa ka Mawlai SC. Ïa kine la thep da u L .Malngiang ha ka minit kaba 14 bad u P.Malngiang (53). Katba na ka liang ka Mawlai ka la thep shi kol da u E. Kharsahnoh (8).
Ka Lumshyiap SC ka la ïasam mar shi point bad ka Nongthymmai Nong-kynrih hadien ba ki la ïakhaid mar 2-2 kol. Na ka Lumshyiap la thep da u C. Nongsiej (14) bad u A. Nongsiej (58), katba na ka Nongthymmai ka la thep da u H.L Marshillong (2) bad u B.Dkhar (59).
Ka Nongkohlew ka la shah rem noh da 1-2 kol ha ka Diengpasoh. Ïa kine la thep da u M.Nongpluh (18) bad u E.Sana (58), hynrei ka Nongkohlew ka la pynphai kylla shi kol da u B.Jana (57).
