Shillong, Rymphang 04
Ki ar kol ba la thep da u Lamine Yamal bad u Ronald Araujo ki la biang pura ïa ka Barcelona ban pynliem noh ïa ka Albacete bad ban pynthikna ban jam sha ka semi final ha ka Copa Del Rey.
Ha kane ka jingïakhun quarter final, ka Albacete ka la lah ban pynphai shi kol hashwa ban wai lyngba u Javi Moreno, hynrei kam shym lah ban kynjoh sha ka extra time.
“Ki khyndiat minit ba khatduh ki long kiba thikna namar ki la lah ban thep kol. Ka jingïaknieh ban ïoh ïa ka kop ka long kumne”, la ong u Araujo ha ka lad pathai khubor.
“Nga sngewkmen shibun, ka la long ka sienjam kaba kongsan, ka jingkyrkhu ka long ïa u coach namar u la ïarap shibun ïa nga.”
Ha kane ka jingïakhun ka la lah ban ïalehkai bha naduh ka kylla step, hynrei kam shym la lah ban pynurlong ïa ki kabu ksiar.
“Ka dei ka jingïalehkai kaba eh bha ha kaba kut. Ngi lah ban pynsuk shibun ïalade, ngi la duh bun ki lad, hynrei nga pyrkhat ruh ba ngi dei hok ban ïoh ïa ka jingjop,” la ong u Flick.
“Nga sngewkmen eh ba kum ka kynhun ngi la lah ban pynurlong ban jam sha ka semi final bad kane ka long kaba kongsan eh na ka bynta jong ngi.”
Na ka liang u coach ka Barcelona u Hansi Flick u la ong ba ka kynhun ka la duh ïa ki kabu ksiar, hynrei ka dei hok ban khur ïa ka jingjop. U Araujo u ong ba u da sngewhun halor ka jingwanphai bad ban ïarap ïa ka kynhun.
“Ngi hap ban pynkut da ka jingsngewskhem kaba kham khraw”, la ong u Flick, uba la ong ba u sngewkmen ba u Araujo u la thep kol ha ka jingwanphai biang jong u sha ka kynhun.
“U la thep ïa ka kol kaba kongsan bha na ka bynta jong ngi, ka lah ban ïarap ïa u ban ïoh ïa ka jingshaniah kaba kham khraw bad ban ngeit ha lade”, la bynrap biang utei u coach na Germany.
