Nongstoiñ, Rymphang 05
Ka Pyndengrei SCSC ka la khur ïa ka jingjop ha ka Super Division jong ka District Cricket League 2025-2026 ba la pynlong da ka West Khasi Hills District Cricket Associa -tion ( WKHDCA), hadien ba ka la pynliem noh ïa ka Nongstoiñ CC da 16 run ha ka sngi Palei ha madan Mawrusyiar, West Khasi Hills.
Haba phai sha ka jingïakhun ka Pyndengrei ka la jop ïa ka kynting pisa ha kaba ka la shimti ban tied nyngkong bad ka la kamai 181 run bad shah pynhap 9 wiket na ki 29.1 over. U Iranius Marngar u la tied 74 run na ki 50 bol bad u Khlaiñbor Wahlang u la ïoh 21 run na ki 24 bol.
Haba wan beh ïa ka thong, ka Nongstoiñ ka la kamai tang 120 run bad shah pynkhyllem baroh ki nongtied ha ki 29.5 over. Ïa ka nam Player of the Match la ïohpdiang da u Khlaiñbor Wahlang uba la ïoh 21 run bad khur 2 wiket.
