Shillong, Rymphang 05
Ka kynhun ki ‘thei ïalehkai U-20 ka India ka la leit sha Sweden na ka bynta ka jingpynkhreh kaba shi bnai lynter hashwa ka lympung ïalehkai jong ka AFC U20 Women’s Asian Cup 2026 ka ban long ha u Ïaïong.
Na ka liang u coach u Joakim Alexandersson u la pynbna ïa ka kynhun ïalehkai kaba don 24 ngut ha kaba ka ‘thei apkol na Meghalaya ka Ribansi Jamu kaba na Patharkhmah (Ri Bhoi District), ka la don lang ha kane ka thup.
Kane ka kynhun kaba la don ha Padukone-Dravid Centre for Sports Excellence kaba ha Bengaluru la jan shi bnai, ka la mih ha ka step jong ka sngi palei ban leit sha Stockholm.
Ka India kaba don ha ka Group-C jong ka AFC U20 Women’s Asian Cup Thailand 2026, kan ïakhun pyrshah ïa ka Japan ha ka 2 tarik u Ïaïong, ïa ka Australia ha ka 5 tarik bad ïa ka China Taipei ha ka 8 tarik.
Ki kyrteng ki 24 ngut ki ‘thei ïalehkai U-20 jong ka India
Goalkeeper: Monalisha Devi Moirangthem, Nandini & Ribansi Jamu.
Defender: Cindy Remruatpuii Colney, Nishima Kumari, Remi Thokchom, Ruchi, Sahena TH, Shubhangi Singh & Thoibisana Chanu Toijam.
Midfielder: Anju Chanu Kayenpaibam, Arina Devi Nameirakpam, Bhumika Devi Khumukcham, Misha Bhandari, Monisha Singha, Neha, Pooja & Shruti Kumari.
Forward: Babita Kumari, Deepika Pal, Lhingdeikim, Shilji Shaji, Sibani Devi Nongmeikapam & Sulanjana Raul.
