Shillong, Rymphang 06
Ka shlem treikam jong ka District Sports Officer (DSO), West Khasi Hills ha ka sngi Thohdieng ka la pynlong ïa ka jingïalehkai Kho Kho bad Kabaddi ha madan ïalehkai Umsoit ha ka shnong Kynshi kaba hap hapoh Mawthadraishan Block.
Ka jingpynlong ïa kane ka lympung ka long shi bynta ban kyntiew ïa kine jingïalehkai hapdeng ki samla ha nongkyndong. Kane ka lympung ka ailad ïa ki nongïalehkai kiba dangkhie dangsan kiba kwah ban ïalehkai, kynthup ïa ki khynnah shynrang bad kynthei, ban pyni ïa ki sap bad ka mynsiem ïalehkai jong ki.
Te kumta Ki khynnah ki la pyni ïa ki sap jong ki, ha kaba ki bor pynïaid ki la pynshlur ïa ka jingïashim bynta jong ki da kaba sam ruh ïa ki syrnot bad ki trophy sha ki nongïashim bynta.
