Shillong, Rymphang 06
5 ngut ki khynnah ïalehkai ka Jylla hapoh ka lama jong ka All Meghalaya Kickboxing Association (AMKA) kin mihkhmat ïa ka ri India sha ka Asia Pacific Open International Kickboxing Champion-ship 2026 ka ban long ha Bali kaba ha Indonesia naduh 24 tarik haduh 28 tarik mynta u bnai.
Kine ki kynthup ïa ka Amegrace Nongbsap (10 snem) ka ban shim bynta ha ka Sub Junior Semi Contact 22kg, kumjuh ka Ozanica Nongbsap (12 snem) ka ban shim bynta ha ka Sub Junior Semi Contact 30kg, ka Ban-shailin Grace Masharing (14 snem) ka ban shim bynta ha ka Sub Junior Semi Contact 45kg, ka Blaiona Kharmujai (19) ka ban shim bynta ha ka Senior Full Contact 47kg bad u Mewanpyndap Marpan (16 snem) u ban shim bynta ha ka Junior Full Contact 58kg.
Kat kum ka jingpynpaw da u President ka AMKA u Bah Samuel Hashah u la ong ba ka jingshah jied kine ki khynnah ka long lyngba ka jinglah ban ïalehkai bha ha ka North East Kickboxing Championship 2026 kaba la long ha ka 29 haduh 31 tarik u Kyllalyngkot 2026 kaba la long ha ka nongbah Shillong bad kumjuh ka jinglah ban khur ïa ki takma ksiar ha ka Natio -nal Kickboxing Champion -ship kaba la long ha Odisha.
“Kum ka synjuk ngi la pyrshang katba lah ban ai jinghikai ïa kine ki khynnah hashwa ba kin mih na ka nongbah ban leit sha Indonesia. Ka jingleit shim bynta shabar ri kam long kaba suk, hynrei kin hap ban trei shitom bad ngi khmih lynti ba kin wanrah burom na ka bynta ka ri hi baroh kawei,” ula bynrap.
