Shillong, Rymphang 08
Ka lympung Shillong Cricket League Super Division ba pynlong da ka Shillong Cricket Association 2026 ka la bteng da ka jingïalehkai hapdeng ka Lok Bhawan pyrshah ïa ka NFU. Ha ka jingkynting pisa la kam trai da ka Lok Bhawan, bad ka la jied ban tied nyngkong, ka la lah ban kamai haduh 204 ron bad ki nongtied bol ba kynsai ki long u Vishal Kanwar uba ïoh 54 ron bad u Aditya Shah 48 ron, katba ki nongkawang bol u Tapash Das uba la khur 3 wiket bad u Akash Choudhary ruh 3 wiket.
Katba haba beh ïa ka thong ka NFU ka la ïoh tang 94 ron, ki nongtied bol ki long u Shubham Rasaily 31 ron bad u Akash Choudhary 20 ron, u Ayushman Das u la ïoh pynhap 2 wiket bad u Bikash Singha 3 wiket.
Haba kut ka jingïalehkai jop ka Lok Bhawan da 110 ron bad ïa ka nam ‘Player of the match’ da u Bikash Singha u ba la khur 3 wiket.
