Shillong, Rymphang 08
Ka Ïatreilang SC ka la long ka lahduh ha ka lympung ialehkai 1st Under-14 Knockout Football Tournament 2026 ba la pynïaid da ka Dongkiingding Sports and Cultural Organisation.
Kane ka nam jop ka la wan urlong hadien ba ka la pynliem noh ïa ka Dongkiingding SC lyngba ka tie-breaker da 7-6 kol hadien ba ki la ïakhaid mar 2-2 kol haduh kaba kut ki 90 minit ha ka jingïakhun phainal kaba la long ha ka sngi Palei ha madan ialehkai jong ka shnong Dongki-ingding kaba ha Eastern West Khasi Hills district.
