Shillong, Rymphang 08
Ka Lympung ïalehkai SSA U-12 Football league 2025-26 ha ka 07 tarik Rymphang 2026 ha madan SSA ka la don ka jingïalehkai Final ha ka por 1 baje mynsngi da ka jingïakhun hapdeng ka Shillong Lajong FC pyrshah ïa ka Nongthymmai Nongkynrih SC. Ka Nongthymmai Nongkynrih SC ka la jop noh da 4-0 kol, ïa ki kol la thep da u R. Kharshandi (por 7 minit), D. Kharkongor (21), Z. Synrem (26) bad D. Lyngdoh (36).
Ïa ka nam ‘Top scorer Under-12’ la ïoh da u Roniki Kharshandi u ba la ïoh haduh 20 tylli ki kol, ka nam ‘Best Goalkeeper’ la ïoh da u Mewanshwa Kharpuli bad ïa ka nam ‘Man of the Match’ dei u Roniki Kharshandi, bad u ‘Promising Player’ dei u Bashemphang Diengdoh baroh kiba dei na ka Nongthymmai Nongkynrih SC.
Katba ha ka jingïalehkai jong ka lympung SSA U-14 Football League 2025-26 kaba la long ha kane kajuh ka sngi ha kajuh ka jaka ha ka por 2:30 nohphai sngi ka Mawkhar SC ka la ïakhun pyrshah ïa ka Langsning FC ha ka jingïakhun Final.
Ka Langsning ka la jop noh da 3-0 kol ïa ka Mawkhar bad ïa ki kol la ïoh ban thep da u N. Mukhim ha ka minit ba 12 & 51 bad u D. Syiem ha ka por 44 minit.
Ïa ka nam top ‘Top Scorer Under-14’ la ïoh da u Habankara Blah na ka PFR FA uba la ïoh 12 kol, ka nam ‘Best Goalkeeper da u Rohit Marsynting (Langsning FC), ‘Man of the Match’ Nangteibha Mukhim (Langsning FC), bad ‘Promising Player’ Evelkymio Mynsong (Langsning FC).
