Shillong, Rymphang 09
Ka Rangkynsai SC ka la pynliem noh ïa ka Sporting CC da 141 run na ka bynta ban khur ïa ka jingjop ha ka lympung ïalehkai Super Division Cricket League ba la pynïaid da ka Shillong Cricket Association ha ka lah sngi U Blei.
Ha kane ka jingïakhun kaba ka long ha madan ïalehkai jong ka MCA kaba ha Polo, ka Rangkynsai ka la kam trai ba kan tied nyngkong ha kaba ka la kamai 294 run bad shah pynhap 4 wiket ha ki 42 over. Kane ka la wan lyngba ka jinglah ban ïalehkai bha da u Ajay Duhan uba la ïoh ban khyrwit haduh 121 run na ki 120 bol bad u Ram Gurung u la tied 86 run na ki 57 bol. Katba u Gagandeep Singh u la khur 2 wiket bad ïa ka 1 wiket la ïoh da u Indrajit Rai na ka bynta ka Sporting.
Haba wan beh ïa ka thong ki nongtied ka Sporting ki la shah pynkhyllem lut baroh bad kamai 153 run ha ki 31.4 over. U Sachin Kumar u la khyrwit ïa ka shiteng spah kaba 61 run na ki 88 bol bad u Gagandeep Singh u la ïoh 22 run na ki 14 bol. Katba u Adarsh Joshi u la shim 3 wiket bad ïa ki 2 wiket la ïoh da u Ajay Duhan na ka bynta ka Rangkynsai. Ïa ka nam Player of the Match la ïoh da u Ajay Duhan.
