Shillong, Rymphang 09
U Symbud Myntri Rangbah ka Jylla bad uba long ruh u nongmihkhmat ka Nartiang Constituency u Bah Sniawbhalang Dhar u la noh synñiang T. 7 lak tyngka sha ka Mynkrem Sports Club na ka bynta ban pynheh ïa ka madan ïalehkai.
Kane ka projek ka thmu ban maramot pynbha ïa ka madan ïalehkai, ban thung ïa ki dieng kol bad kiwei kiwei ki jingdonkam haba pynlong ïa ki lympung ïalehkai phutbol ha katei ka madan.
Na ka liang ki dkhot ka Mynkrem Sports Club ki la pynpaw ka jingsngew kmen halor ka jingai jingkyrshan jong u Bah Dhar, “Kane ka jingshim khia ka la wan ha ka por kaba biang bad kane ka pyni ïa ka jingtrei shitom na ka bynta ban kyntiew ïa ka jingïalehkai ha katei ka thaiñ.”
“Ka jingpyrshang jong u ka pyni ïa ka jingaiti jong u ban kyntiew ïa ki sap ïalehkai jong ki samla bad ban pynshlur ïa ka jingïashim bynta ha ki jingïalehkai ha ka imlang sahlang.”
