Nongstoiñ, Rymphang 09
Ka kynhun ïalehkai jong ki khynnah ka Nongpyndeng Grassroots ka la rah ïa ka nam lahduh ha ka lympung ïalehkai 1st Knockout Football Tournament Under-14 (Boys) 2026 ba la pynlong da ka St.Carlo Acutis Catholic Youth Risiang na West Khasi Hills.
Kane ka nam jop la wan hadien ba ka la pynliem noh ïa ka Riangpoit da 5-0 kol ha ka jingïalehkai phainal kaba la long ha ka lah sngi U BLei ha madan Risiang, West Khasi Hills.
Ha kane sngi pynkut ïa kane ka lympung ïalehkai u samla Ioanis Diengngan uwei na ki samla rangbah katei ka thaiñ u la long u kongsan, ha ka jingdon lang ruh u samla Afford Nongrem, coach kum u symbud kongsan, u Sordar ka shnong Risiang, ki riew rangbah bad kiwei kiwei kiba la sam ruh ïa ki khusnam.
Shuh shuh ha katei ka sngi pynhap pyrda la pynlong shwa da ka jingïalehkai paralok jong ki khynnah kynthei hapdeng ka Risiang Grassroots pyrshah ïa ka Nongpyndeng Grassroots ha kaba ka Nongpyndeng Grassroots ka la khur ïa ka jingjop.
Lah ban kdew hangne ba ha kane ka lympung ïalehkai ki Under-14 ki khynnah shynrang ki don haduh 16 tylli ki kynhun na kylleng ki jaka jong ka thaiñ Nongstoiñ kiba la ïashim bynta.
