Shillong, Rymphang 09
Ka Services ka la pynliem noh ïa ka Kerala da 1-0 kol na ka bynta ban long ka lahduh ha ka 79th National Football Cham-pionship na ka bynta ka Santosh Trophy 2025-26 ha ka jingïakhun phainal kaba la long ha ka sngi U Blei ha Dhakuakhana Football Stadium, Assam.
Kane ka long ka sien kaba phra ba ka Services ka la ïoh ban rah ïa katei ka nam ha kane ka jingïaid lynti jong ka ha kane ka lympung.
Ka nam jop ha kane ka kynti kaba mynta ka la wan urlong lyngba u Abhishek Pawar uba la lah ban thep ha ka minit kaba 109 jong ka ‘extra time’ hadien ba kine ki kynhun kim shym la lah ban thep kol haduh kaba kut ka jingïalehkai.
U Samuel Vanlalpeka u la pyllait ïa u nongïalehkai ba bujli u Shubham Rana uba la pynrung ha ka minit kaba 63 sha suiñ ha shilynter ka flank. U Rana u la rah ïa ka bol sha ka kut bad u la pynphai ïa ka kol kaba la shim jingkheiñ sha ka jaka penalty.
