Shillong, Rymphang 10
Ka khlur ïalehkai Olympic ka ri India, ka Manu Bhaker ka la ïoh ïa ka takma rupa ha ka jingïakop siat pyrshah bad ka Nguyen Thuy Trang na Vietnam, katba ka Esha Singh ka la khur ïa ka takma rnong ha ka jingïakop siat jong ka pistol 25m ha ka Asian Championships kaba la long ha nongbah Delhi.
Ka jingïalehkai phai-nal ka long kaba eh bad kaba jwat bha, hynrei ha kaba kut ka Trang ka la ïeng skhem na ka bynta ban khur ïa ka takma ksiar.
Ka Manu, kaba la wan ha ka kyrdan kaba lai hadien ka series kaba saw, ka la trei shitom ban poi sha ka kyrdan kaba ar hadien ka jingïakhun kaba san, hynrei ka la hiar sha ka kyrdan kaba lai ha ka hynriew sien ïakhun wat haba u Trang ka la lah ban siat ha baroh san sien ïakhun.
Haba leit sha ka jingïalehkai kaba san bad kaba khatduh, ka Manu ka la beh nadien ka Trang kaba la tam da shi poiñ. Katei ka nongïalehkai ka India ka la lah ban pynïaryngkat bad ka Trang da 35 bad pynlong ban ïasiat biang ha kaba bar ar ngut ki la lah ban siat mar ar sien. Hynrei ha kaba kut ka Manu ka la lah ban siat ar sien, katba ka katei ka nongïalehkai na Vietnam ka la siat lai sien na ka bynta ban wan ha ka kyrdan ba hakhlieh.
Haba siat da ka pistol thymmai jong ka, ka Manu ka la ong ba ka dangpynmlien ïa ka jing-khlaiñ jong ka. “Ka dei ka jingïakhun phainal kaba eh bha. Nga la don jingeh khyndiat ha kaba sdang, hynrei nga la pyrshang ban ïalehkai bha,” la ong katei ka nongïalehkai kaba dang 23 snem ka rta.
Haba phai sha ka Esha Singh, kaba la khur ïa ka ksiar ha ka jingïakop siat kaba 10m, ka la don ha ka kyrdan jong ka jingïaknieh ban kynjoh sha ka thong. Ka Esha kaba la lamkhmat da kaba siat haduh 40 sien, hynrei kam shym la lah ban kynjoh sha ka thong ha kaba ka la wan ha ka kyrdan balai. Kawei pat ka nongïalehkai jong ka ri, ka Rhythm Sangwan ka la wan ha ka kyrdan saw.
“Ka la long kaba eh bad ka la ai jinghikai shibun ïa nga. Ngam tip kaei kaba la jia hangta (9th series) namar baroh ki jingsiat jong nga ki ïai bteng ban leit sha ka liang ka diang jong ka thong,” ong ka Esha.
Lah ban kdew ba kitei ki lai ngut kata ka Esha, Manu bad ka Rhythm ki la lah ban khur ïa ka takma ksiar na ka bynta ka ri India ha ka jingïakop siat kynhun kaba 25m pistol ha ka liang ki kynthei da kaba kamai 1751. Katba ka Chinese Taipei bad ka Vietnam ki la khur ïa ka takma rupa bad rnong.
