Shillong, Rymphang 12
Ka kynhun ïalehkai jong ka Khadsawphra MMA Dojo kaba long ka shlem ai jinghikai mix martial arts na Eastern West Khasi Hills District, ka la wanrah burom ïa ka Jylla da kaba la khur ar tylli ki takma ksiar bad ar tylli ki takma rupa ha ka 5th India Open International Kickboxing Cup 2026 ha nongbah Delhi.
Ïa ki takma ksiar la khur da u Ïalamjingshai L. Mawlong ha ka Low kick jong ka Junior -52kg bad ka Joviality L. Kynshi ha ka K-1 jong ka Junior -40kg. Katba ïa ki takma rupa la khur da u Malvin L.Marshillong ha ka K-1 jong ka -56kg bad ka Hazel Christina Ripnar ha ka K-1 jong ka Senior -52Kg.
Kine ki nongïalehkai ki la mihkhmat ïa ka Jylla hapoh ka lama jong ka Meghalaya State Kick-boxing Association (MSKA). Ïa kane ka lympung ïalehkai kaba la pynlong da ka WAKO India kickboxing Federation ryngkat ka World Asso-ciation Kickboxing Organisation, ka la sdang naduh 4 haduh 8 tarik mynta u bnai.
