Shillong, Rymphang 13
Ka lympung Shillong Cricket League Super Division ba pynlong da ka Shillong Cricket Association 2026 ka la bteng da ka jingïalehkai hapdeng ka Sputnik Cricket Club pyrshah ïa ka Langsning XI CC.
Ka Langsning XI Cricket Club ka la ïoh kam trai ha ka jingkynting pisa bad ka la jied ban tied hadien. Ka kynhun pyrshah ka Sputnik CC ka la lah ban kamai haduh 228 ron. Ki nongtied bol ba kynsai ki long u Chaman 45 ron bad u Swarajeet das 41 ron, katba u Prince Ray u la khur 3 tylli ki wiket bad u Shembhalang Pyngrope kumjuh 3 wiket.
Ha ba beh ïa ka thong ka Langsning XI CC ka la ïoh tang 141 ron. U Nishanta Chakraborty u la ïoh 37 ron bad u Shembhalang Pyngrope 25 ron ki long kiba kham lah ban kamai bad u Aditya Singhania u la khur 4 wiket bad u Arbin Singh u la pynhap 3 wiket.
Haba kut ka jingïalehkai ka Sputnik Cricket Club ka la jop da 87 ron bad ïa ka nam ‘Player of the match’ la ïoh da u Aditya Singhania uba ïoh 30 ron bad khur 4 tylli ki wiket.
