Shillong, Rymphang 15
Ka kol ba la khatduh ba la thep da u Piotr Zielinski ka la biang pura ïa ka lahduh jong ka Serie A ka Inter Milan ba kan pynliem noh ïa ka Juventus da 3-2 kol na ka bynta ban tam da 5 poiñ ïa ka AC Milan kabala wan ha ka kyrdan ba-ar.
Ka Juventus ka la ïoh shwa da ka red card hadien ba u rangïalehkai ‘dien jong ka, u Pierre Kalulu u la ïohdiang da ar tylli ki yellow card hashwa ba kan shah thep ïa ka kol kaba khatduh ha ka minit kaba 90 lyngba u Zielinski.
Kane ka jingshah rem ka la pynlong ïa ka Juve ban hiar shi kyrda kata sha kaba saw hashwa ïa ka Roma, hynrei ki la ïapher ha ka jingthep kol bad ka lah ban jam sha ka kyrdan balai lada ka la lah ban pynliem ïa ka Napoli.
Ha kane ka jingïakhun ka Juventus ka la ïoh ei ïa ka kol kaba nyngkong jong ka na ka daw ka jingbakla thep hi da u Andrea Cambiaso ha ka minit kaba 17. Pynbna u Cambiaso u la lah ban pynïakhaid kylla na ka bynta ka Milan ha ka minit kaba 26.
Ka Inter ka la bteng ban ïakhun tyngeh ha ka kylla miet ha kaba ka ïoh ban thep biang ïa ka kol kaba ar ha ka minit kaba 76 lyngba u Pio Esposito bad kane ka la wan lyngba ka jingïarap pynbuh da u Federico Dimarco.
Hadien katto katne por u Manuel Locatelli u la lah ban pynïakhaid kylla na ka bynta ka Juventus hadien ka jingïarap pynbuh da u McKennie ha ka minit kaba 83 na ka bynta ban ïakhaid mar ar kol. Hynrei hashwa ban wai artad u Zielinski u la lah ban pynurlong ïa ka Inter na ka bynta ban khur ï aka jingjop kaba arphew ha kane ka lympung.
Ha kawei pat ka liang ka jingïai ap khmih lynti ka Como ban ïoh rung sha ka Champions League ka la don ha ka jingeh hadien ba ka la shah rem da 2-1 kol ha ka Fiorentina.
Kane ka la wan urlong lyngba u Nicolo Fagioli badu Moise Kean na ka bynta ban pynlong ïa ka Fiorentina ban khur ïa ka jingjop ha Guiseppe Sinigaglia stadium jong ka Como.
