Mawkyrwat, Rymphang 15
Ka Ryntihlang Sports Club ka la pynkut noh ïa ka lympung ïalehkai phutbol ba tip kum ka 3rd Knockout Football Tournament 2026 ha ka 13 tarik mynta u bnai ha madan Motmeron, Jakrem South West Khasi Hills District.
Ka jinglehkai phainal ha kane ka sngi ka la long hapdeng ka Proin Wasat pyrshah ïa ka Shi Dus Driver ha kaba ka Shi Dus Driver ka la lah long ka lahduh hadien ba ka la jop da 1-0 kol.
Haba phai sha kane ka jingïalehkai, ha ka kylla step ka la long kaba ïakhaid bad baroh ar ki kynhun kim shym la lah ban pynkhih jar. Haba bteng ïa ka kylla miet, ka Shidus Driver ka la ïakhun tyngeh bad ka la ïoh shibun ki kabu hynrei kam shym la lah ban pynurlong. Hashwa ban wai ka Shisdus Driver ka la ïoh ban thep kol na ka daw ka jingbakla u rangapkol bad pynlong ban syndon ban khur ïa ka nam lahduh.
Ha kane ka lympung ki don kumba 16 tylli ki kynhun kiba la wan ban ïashim bynta.
Ïa kane lympung la wan ban pynhap pyrda da u Bah K.Nongbsaw, Executive Engineer ka PHE Mawkyrwat Division ha ryngkat ka jingdonlang ki nongpynïaid ki riew rangbah bad kiwei kiwei.
