Shillong, Rymphang 16
Ka kynhun ïalehkai kickboxing ka Jylla hapoh ka lama jong ka Meghalaya State Kickboxing Association (MSKA) ka la khur haduh 23 tylli ki takma ha ka 5th India Open International Kickboxing Tournament 2026 kaba la long ha nongbah Delhi.
Kine ki kynthup ïa 7 tylli ki takma ksiar, 9 ki takma rupa lem bad 7 tylli ki takma rnong. Ki khlur ïalehkai kiba kynthup ïa u Babit Kharsahnoh, Daniella I.W Mylliemngap, Medari Phylla Lyngdoh Nongbri, Ibadarishisha Mukhim bad ka Belldona Pakyntein ki la bteng ban khur saw tylli ki takma ksiar bad kawei ka takma rupa.
Katei ka kynhun ïalehkai jong ka MSKA ka la mihkhmat ïa ka Jylla sha katei ka lympung ba la pynïaid da ka WAKO India Kickboxing Federation bad la pdiang burom ïa katei ka kynhun hadien ba ki la wanphai sha la ïing.
Ha ka jingïakhun jong ki kynthei, ka MSKA ka la khur 4 ki takma ksiar, 4 ki rupa lem bad 2 ki takma rnong, katba ha ka liang ki shynrang ka la khur 3 ki takma ksiar, 5 ki rupa lem bad 5 ki takma rnong.
Ïa ki takma ksiar ha ka liang ki kynthei la khur da ka Belldona Pakynteiñ ha ka Senior K1 Rules – 52kg, kumjuh ka Daniella Mylliemngap ha ka Senior K1 Rules -60kg, ka Medariphylla L. Nongbri ha ka Senior Low Kick -56kg bad ka Joviality Lyngdoh Kynshi ha ka Junior K1 Rules -40kg. Ïa ki takma rupa la khur da ka Ibadarishisha Mukhim ha ka Senior Low Kick -48kg, Ibadahunshisha Raniha ka Senior Full Contact -65kg, Lanosha Marbaniang ha ka Senior Full Contact +70kg bad ka Hazel Christinna Ripnar ha ka Senior K1 Rules -52kg. katba ïa ki takma rnong la ïoh da ka Isapynbiang Lyngdoh ha ka Cadets Light Contact -28kg bad ka Cadets Kick Light.
Ïa ki takma ksiar ha ka liang ki shynrang la khur da u Babit Kharsahnoh ha ka Senior K1 Rules -51kg, Solomon H Buongpui ha ka Senior K1 Rules -70kg bad u Ïalamjingshai L. Mawlong ha ka Junior Low Kick -48kg. Ïa ki takma rupa la khur da u Dajied K Synjri ha ka Junior Kick Light -47kg, Dajied K. Synjri ha ka Junior Light Contact -47kg, Pynskhemlang Kshiar ha ka Senior Low Kick -51kg, Mylliem Umlong ha ka Senior Low Kick – 57kg bad u Malvin L Marshillong ha ka Senior K1 Rules -57kg. Katba ha ki takma rnong la ioh da u Ishwar Chettri ha ka Senior K1 Rules -75kg, Enboklang Lyngdoh Mawnai ha ka Senior Full Contact -57kg, Benvoleo Chyne ha ka Junior Musical Form -42kg, Aaron Odahiam Sungoh ha ka Junior Light Contact -42kg bad u Samebaniar L. Mawphlang ha ka Cadets Point Fighting -21kg.
Kat kum ka kyrwoh, la ong ba ka kynhun ïalehkai ka MSKA naduh ba la leit shim bynta naduh u Nailar jong u snem 2017 haduh mynta, ka la khur haduh 280 tylli ki takma, kiba kynthup ïa 99 tylli ki takma ksiar, 78 tylli ki takma rupa bad 103 tylli ki takma. Ha ka lympung ïalehkai shabar ri ka la khur 76 tylli ki takma ryngkat bad 9 tylli (1 ksiar, 1 rupa bad 7 ki rnong) na ka bynta ka NEHU ha ka All India Inter University Games (AIU Games) naduh u snem 2019.
