Shillong, Rymphang 16
Ka NorthEast United FC ka la mad ïa ka jingshah rem ha ka East Bengal da 3-0 kol ha ka jingïalehkai kaba nyngkong eh jong ka Indian Super League (ISL) ha ka lah sngi U Blei ha Salt Lake Stadium kaba ha Kolkata.
Kane ka la wan urlong lyngba u Youssef Ezzejjari uba la thep ar kol ha ka minit kaba 56 & 70 lem bad kawei da u Miguel Figueira (90+2) na ka bynta ban pynlong ïa ka East Bengal ban khur ïa ki lai poiñ.
Lyngba kane ka jingjop ka East Bengal kan pynkhreh biang ïa ka jingïalehkai ha la ïing pyrshah ïa ka Sporting Delhi ha ka 21 tarik, katba ka NEUFC kan leit sha Bengaluru na ka bynta ban ïakhun pyrshah ha ka 22 tarik mynta u bnai.
