Nongstoiñ, Rymphang 17
Ka Nongpyndeng SS&CC ka la khur ïa ka jingjop ha ka District Cricket League 2025-2026 ba la pynlong da ka West Khasi Hills District Cricket Association, hadien ba ka la pynliem noh ïa ka Ladweitang SS&CC da 136 run ha ka sngi Ba-ar ha madan Mawrusyiar.
Ha kane ka jingïakhun, ka Nongpyn-deng ka la kam trai ban tied nyngkong ha kaba ka la kamai 233 run bad shah pynhap 10 wiket ha ki 34.3 over. Hynrei haba wan beh ïa ka thong ka Ladweitang ka la kamai tang 97 run bad shah pynhap 10 wiket ha ki 17 over.
Lyngba ka jingjop ka Nongpyndeng ka la ïaryngkat mar 5 poiñ na ki san sien ïakhun ryngkat ka Pyndengrei, Mawka-wah CT bad ka Ladweitang, kiba la jam sha ka Qualifiers bad Eliminator. Katba ka Tiehsaw ka la kamai 4 poiñ ryngkat bad ka Challenger CC. Ka Nongstoiñ SS&CC bad ka Mawshynrut ki danglong ki kynhun kiba dangmad ïa ki jingshah rem.
